ഇസ്‌കോൺ തിരുവനന്തപുരം
ശ്രീ പത്മനാഭന്റെ നാട്ടിൽ, ഇസ്‌കോൺ ശ്രീ ശ്രീ കൃഷ്ണ ബലറാം ക്ഷേത്രം 2017 ൽ സ്ഥാപിച്ചു. ഇവിടെ സെമിനാറുകൾ, യോഗ, അന്നദാനം എന്നിവയ്ക്കുള്ള സൗകര്യങ്ങളുമുണ്ട്. അതിഥി മന്ദിരങ്ങൾ, ഭക്ഷണ ശാല, വസ്ത്രാലയം എന്നിവ രണ്ടാം ഘട്ട വികസനത്തിൽ നിർമ്മിക്കും. ദിവസേനയും ആഴ്ചതോറും നടക്കുന്ന ക്ഷേത്ര പരിപാടികൾ, ആരതികൾ, ആത്മീയ പ്രഭാഷണങ്ങൾ, ഉത്സവങ്ങൾ എന്നിവയിൽ പങ്കെടുക്കുന്ന ധാരാളം അംഗങ്ങളും ക്ഷേത്രത്തിലുണ്ട്. ഭക്തി യോഗയുടെ പാത പ്രായോഗികമാക്കുന്നതിൽ ആളുകളെ നയിക്കുന്ന നിരവധി പഠന സംഘങ്ങൾ, ഔട്ട്‌റീച്ച് പ്രോഗ്രാമുകൾ, പ്രാദേശിക കേന്ദ്രങ്ങൾ എന്നിവയും ക്ഷേത്രം മേൽനോട്ടം വഹിക്കുന്നു. മെഡിക്കൽ ക്യാമ്പ്, അന്നദാനം, വെള്ളപ്പൊക്ക ദുരിതാശ്വാസം തുടങ്ങിയ നിരവധി സാമൂഹിക സേവന പ്രവർത്തനങ്ങളും ഈ ക്ഷേത്രത്തിന്റെ മേൽനോട്ടത്തിൽ നടന്നുവരുന്നു
ശ്രീ ശ്രീ കൃഷ്ണ ബലരാമ ക്ഷേത്രം
2017 ൽ ഉദ്ഘാടനം ചെയ്യപ്പെട്ട മനോഹരമായ ശ്രീ ശ്രീ കൃഷ്ണ ബലറാം ക്ഷേത്രം. ശ്രീ ശ്രീ കൃഷ്ണ ബലരാമൻ, ശ്രീ ശ്രീ ഗൗര നിതായ്, ശ്രീല പ്രഭുപാദർ എന്നിവരുടെ വിഗ്രഹങ്ങളാണ് ക്ഷേത്രത്തിൽ പ്രതിഷ്ഠിച്ചിരിക്കുന്നത്. മനോഹരമായി കൊത്തിയെടുത്ത മാർബിൾ കൊണ്ട് അലങ്കരിച്ച അമ്പലവും തടിയിൽ ശില്പകലയിൽ നിർമ്മിച്ച് സ്വർണം പൂശിയ ശ്രീകോവിലും ഈ ക്ഷേത്രത്തിനു വ്യത്യസ്തമായൊരു ഭംഗി നൽകുന്നു. പതിനഞ്ചാം നൂറ്റാണ്ടിലെ രാജസ്ഥാനി ഗോപുരങ്ങളുടെ ഒരു ചെറിയ പതിപ്പാണ് ഇവിടത്തെ ക്ഷേത്രഗോപുരം. പുൽത്തകിടികളും താമരക്കുളവും കൊണ്ട് സമൃദ്ധമാണ് ഈ സ്ഥലം. ഇവിടെത്തെ ശാന്തമായ അന്തരീക്ഷം വാരാന്ത്യങ്ങളിലും ഉത്സവ ദിവസങ്ങളിലും നൂറുകണക്കിന് ആളുകളെ ആകർഷിക്കുന്നു
https://iskcontrivandrum.org/
About The Author
